Mikabat ngadto sa P1.7 milyones ka pesos ang pondo nga gitagana ni Gobernador Roberto Y. Uy alang sa pagpatapos sa ikatulong andana sa Central Barangay Hall, ning dakbayan.
Kahibaloan nga gikalipay ug daku sa mga katawhan sa nasangpit nga barangay, ilabi na gayud ni kapitan Rosanna Diaz ug mga opisyales gumikan sa maong pondo, sanglit nga usa ka dakung handum sa barangay nga matiwas na ang pagtukod sa ikatulong andana ug ang roof deck , lakip na ang pagpintal niini.
Usa kini ka modernong edipisyo, apan kung makulang pa ang maong pondo, hayan nga ang barangay na ang modugang.
Alayon sa maong proyekto, mihangyo si Acting City Mayor Dr. Horacio B. Velasco ngadto sa konseho ning dakbayan alang sa pagpasar ug usa ka resolusyon nga maghatag ug pagtugot ni Mayor Uy aron makapirma ug kasabutan kon Memorandum of Agreement alang sa maong proyekto gumikan kay i-download man ang maong pondo diri sa panudlanan sa City Government . (CIO-MECC)

Share on: