Subli karong gipahibalo ang mga katawhan dinhi sa dakbayan nga ang gikatakdang “LBC RONDA PILIPINAS” (Mindanao Leg) nga dinhi unta motapos karong umaabot Pebrero 9, 2015, ang gikanselar.
Kining maong kalamboan ang gikompirmar mismo ni Ronda Pilipinas Executive Project Director, Moe Chulani, kinsa mipahibalo usab dinhi ni Dipolog City Youth Sports Development Council Chairman, Atty. Chandler O. Ruiz.
Sumala pa nga ang Mindanao Leg ning maong nasudnong lumba sa bisekleta ang ipahigayon sugod sa Pebrero 8, nga didto manukad sa dakbayan sa Butuan ug gitakdang motapos dinhi sa atong dakbayan, isip Finishing Line, sa pagka Pebrero 9, ning tuiga.
Apan gumikan sa dili maayong panghitabo bag-ohay pa lang, sama sa pagpamomba sa dakbayan sa Zamboanga ug sa bag-ohay usab nga panag-enkwentro sa SAF ug MILF/BIFF, didto sa Mamasapano, Maguindanao, diin naghatag ug dakong hulga ngadto sa maong umaabot nga kalihokan, ang organizer niini ang depenido nga mikanselar sa LBC RONDA PILIPINAS 2015, alang sa pagsiguro sa kaluwasan sa tanang mga siklesta nga misalmot ning maong lumba. (CIO-alb)

Share on: