Gi-awhagan karon ang tanang mga gobernadores, mayores, DILG Directors ug ARMM Regional Director alang sa paghimo ug pagsangyaw kalabot na sa paglusad sa “2015 METROBANK FOUNDATION SEARCH FOR THE COUNTRY’S OUTSTANDING POLICE OFFICERS IN SERVICE (COPS)”.
Kining nasangpit nga pag-awhag ang gimando pinaagi sa Memorandum Circular No. 2014-156 nga giluwatan sa nasudnong buhatan sa DILG nga pinirmahan ni kahillin Mar A. Roxas nga pinetsahan ug Disyembre 22, 2014.
Sigun sa dugang nasayran gikan sa naasoy’ng circular nga ang Metrobank Foundation, Inc. duyog sa mga katambayayong niini nga mao ang Rotary Club of New Manila East, PSBank ug Philippine National Police ang nagapahibalo karon sa paglusad sa 2015 Metrobank Foundation Search for the Country’s Outstanding Police Officers in Service (COPS).
Ang COPS maoy usa ka nasudnong pagkalap nga maga-ila sa gitawag ug “career achievements” sa atong maisogong mga kapolisan dinhi sa nasud nga nagbaton sa pinaka-ubos pito (7) katuig nga serbisyo, kinsa aktibo nga naglihok isip magbalantay sa kahusay ug kalinaw.
Alang niadtong mga interesado kalabot ning nasangpit nga search, gi-awhagan sa pagbisita sa lokal nga buhatan sa DILG dinhi sa dakbayan o sa lalawigan, o kaha sa buhatan sa City Information, alang sa dugang inpormasyon kalabot niini partikular na sa gikinahanglang mga papeles.(CIO-alb)

Share on: