Mokabat sa P727,000.00 ka pesos ang gikinahanglang kantidad alang sa pagpatukod sa Covered Court Stage didto sa Relocation Site sa barangay Dicayas ning dakbayan sa Dipolog nga ubos sa pagdumala ni Punong Barangay Tito Maligro.
Kahibaloan nga ang barangay Dicayas ang aduna’y kaugalingong pondo sa kantidad nga P400,000.00 ka pesos, samtang ang City Government pinaagi ni Mayor Evelyn T. Uy ang mohatag usab sa pondo nga mokostar ug P327,000.00 ka pesos.
Ang duruha ka partidos ang mikomiter alang sa pagkooperar ug magtinabangay ngadto sa usag-usa alang sa kalampusan sa maong proyekto, diin usa ka pagpirmahana’y sa Memorandum of Agreement ang gikatakdang ipahigayon .
Nasayran nga ang mga materyales nga angayng gamiton alang sa maong proyekto ang magamit lamang pinaagi sa usa ka public bidding . (CIO-MECC)

Share on: