Ang nasudnong buhatan sa Departamento sa kagamhanang lokal sa kaulohang Manila ang miluwat karon sa memorandum circular no. 2015-12 alang sa tanang mga hepe ehekutibo sa mga lalawigan, dakbayan, kalungsoran, mga Regional Directors, ug uban pang mga hingtungdan, kalabot na sa 2015 Philippine Red Cross Membership Program.
Kining maong kalamboan ang nasayran pinaagi sa usa ka sulat gikan sa naasoy’ng buhatan nga pinirmahan ni kalihim Mar A. Roxas.
Sumala pa sa nasayran nga kining maong kamado-an ang naga-derihir sa tanang mga hepe ehekutibo sa mga kagamhanang lokal sa pagsuporta ngadto sa National Membership ug Fund Drive Program, pinaagi sa pagdasig sa tanang mga kawani, magtutungha, kabatan-onan nga mamahimong miyembro sa Red Cross, aron makapahimulos sa mga benepisyo niini.
Sumala pa nga ang Philippine Red Cross dinha sa pakigtambayayong ngadto sa ubang nga ahensiya sa kagamhanan ug pribadong institusyon ang nagapadayong naga-promoter sa maayong gawi ug pangkatilingbanong liderato, ingon usab dinha sa paghatag ug ayuda partikular na sa kaso sa mga aksidente.,
Dugang pa niini, gi-awhagan particular ang tanang mga DILG Regional Directors ug ARMM Governor sa paghimo sa halapad nga pagsangyaw ning maong kamando-an ngadto sa tanang mga kagamhanang lokal sulod sa ilang matag hurisdiksiyon.(CIO-alb)

Share on: