Laing pasidungog na usab ang na-angkon ning dakbayan sa Dipolog pinaagi ni City Civil Registrar, Ms. Rosemarie P. Miranda niadtong Pebrero 24, 2015 didto sa Manuel Resort, Poblacion North, Piñan, ning lalawigan sa Zamboanga del Norte.
Kahibaloan nga nadawat ang maong award isip usa ka ‘Top Performer in the Province in the Context of Launching Various Activities Relative to Civil Registration with the Intention of Strengthening the Civil Registration System for the Year 2014’.
Nadawat ang maong pasidungog atol sa gipahigayong ‘Training On The Processing Of Registry Documents Affected By Court Decrees, Legal Instruments, RA 9048, RA 10172 and Supplemental Reports’, nga gipasiugdahan sa buhatan sa Philippine Statistics Authority ning lalawigan.
Nagkanayon si Miranda nga mismo si PSA Interim Regional Director-IX, Ronaldo C. Taghap ang mitunol sa tropeyo ug certificate of appreciation.
Dugang pa nga ang mga mahinungdanong pontong gihisgutan atol sa maong kalihokan mao ang mosunod: (1) Processing of Legal Instrument; (2) Processing of RA 9048 and RA 10172; (3) Processing of Supplemental Reports; (4) Processing of Court Decrees / Foreign Decrees; (5) Issues/Comments in the Processing of Annotated Documents. (CIO-MECC)

Share on: