“Without the abilities and skills of artists, our buildings, parks and even houses are bare, lifeless and empty. The artists are special people who give life and color to our buildings and houses. Their art add a wonderful site to a place.” Mao kini ang gipamulong ni Governor Roberto Y. Uy atol sa pagbukas sa Lungtad II niadtong Hunyo 2, 2015 didto sa ZN Provincial Museum and Art Gallery.
Nasayran nga ang Lungtad II usa ka visual art exhibit sa mga artists gikan sa Dipolog, Katipunan, Manukan ug Sindangan, nga nagbulok usab sa usa ka semana nga pagselebrar sa Saulog 2015 nga adunay special presentation ni Architect Jose O. Martinez III nga gihinganlan ug “Historical Miniature Soldiers on the March”.
Dugang sa mensahe nga gipabati ni Governor Uy nga kung wala ang mga artists, dili kita makakita ug lain-laing porma sa mga edipisyo, mga kolor ug dekorasyon sa atong mga edipisyo o kabalayan. Gani gi-ila ni Governor ang gikatampo nila ni Board Member Cicero “Don” Gurrea nga usa ka bangiitang visual artist gikan sa Sindangan ug naila sa National Commission for the Culture and the Arts (NCCA), ug Architect Jose Martinez III nga taga-Dipolog nga sa pagpalambo sa arte dinhi sa probinsiya sa Zamboanga del Norte.
Parehong giila ug gipasalamatan ni Governor Uy ug Board Member Gurrea ang mga misalmot sa Lungtad II nga naglangkob nila ni Architect Jose Martinez III, Renante Aniňon, Lordan Reganion, Kim Batula, Ruby Sabanal, Arcelito Perater, Emma Prima, Ramir Acevedo, Zur Benetua, Engr. Nelson Manlosa, Renato Velasco, Jose Gumanad, ug Noreen Montillana.
Gawas sa partisipasyon sa pipila ka mga artists sa nasangpit nga visual exhibit, mitambong usab ang ubang miyembro sa Padayunay Art Collective, Dipolog Artists Consortium Inc., Mugna Sindangan, mga art collectors, mga opisyales sa kagamhanang lokal sa probinsiya, mga art enthusiasts, ug mga indigenous people, nga nakahatag ug pagbulok sa okasyon.
Gipasalig ni Governor Uy sa mga local artists, nga ilawom sa iyang administrasyon, suportahan niya ang mga kalihukan niini ug ang paglakip kanila sa pagplano sa physical nga pagpalambo sa probinsiya. (CIO-prr)

Share on: