“It has been said that Health is Wealth”, tipik kini sa opening remarks ni Kapitana Rosanna R. Diaz sa Central Barangay atol sa pagpahigayon sa paglusad sa PCV (Pneumococcal Conjugate Vaccine) and Ceremonial Injection niadtong Mayo 6, 2015 didto sa Plaza Magsaysay ning dakbayan sa Dipolog nga gipangulohan ni City Health Officer, Dr. Cecilio P. Siglos.
Matud pa ni kapitan Diaz nga usa ka dakung tabang ang PCV alang sa mga puya gikan unom ka semana ngadto sa 11 ka bulan ang pangidaron.
Ang pneumonia maoy usa ka mananakod nga sakit sa mga puya, busa aron masumpo ang pagpanakod niining sakita, ang pagpamakuna sa PCV mao ang makapakgang niini.
Kahibalo-an nga ang pneumonia mao ang hinungdan sa bacterial meningitis, usa kini ka impeksyon diha sa utok sa bata.
Dugang nagkanayon si kapitan Diaz nga gumikan sa pipila ka mga programa sa Department of Health ug gumikan usab sa hugtanong suporta sa inahan ning dakbayan Mayor Evelyn T. Uy, nasayran nga nahatagan ug higayon ang mga Dipolognon nga malibre gikan sa mga sakit, busa usa kini ka maayong senyales nga ang dakbayan ang nagalawig pataas ngadto sa mga panglantaw niini aron mamahimong God Centered, Peaceful, Self-Reliant Super City by the year 2030 kon Swigapore 2030 Vision.
Ang himsog nga Dipolognon maoy ang usa ka gabayan alang sa padayong pagkab-ot sa atong dakbayan dinha sa katumanan niini nga mamahimong Center of Outdoor Sports dinhi sa habagatang bahin sa Mindanao sa tuig 2020.
Panapos pa ni Diaz, nga ang katumanan niining tanan ang mahimo lamang kung ang mga katawhan ang magpabiling mahimsog. (CIO-MECC)

Share on: