Lain na usab nga duha ka managlahing recruitment agency ang mohimo ug “special recruitment” activity dinhi sa dakbayan sa Dipolog.
Mao kini ang nasayran sa City Information Office basi sa sulat ning nasangpit nga mga ahensiya nga gipadangat ngadto sa buhatan sa Public Employment Service Office (PESO) dinhi sa dakbayan pinaagi na ni PESO Manager, Engr. Michael O. Reyes.
Sigun sa nakuhang impormasyon, nasayran nga ang nahisgotang mga ahensiya ang gilangkoban sa MAANYAG INTERNATIONAL MANPOWER CORPORATION ug OASIA GLOBAL RESOURCES INC., kinsa pulos nakabase didto sa kaulohang Manila.
Dugang usab nga nasayran nga kining maong mga ahensiya ang lehitimo nga nag-operate gumikan kay nagbaton kini sa tukmang mga lisensiya gikan sa Philippine Overseas Employment Administration (POEA).
Alang sa dugang impormasyon kalabot sa mga matang sa trabaho nga gitanyag niini, gi-awhag kadtong interesadong mo-apply sa pagbisita personal o sa pagpakigkita sa mga tinugyanan niini atol unya sa petsa sa ilang pagbisita dinhi sa dakbayan, partikular na dinha sa City Hall lobby, ning dakbayan.
Alang sa kasayuran sa tanang mga interesado, ang talaan alang sa maong kalihokan mao ang mga mosunod:
A) OASIA GLOBAL RESOURCES INC. ———–APRIL 16 – 17, 2015
B) MAANYAG INTERNATIONAL MANPOWER — APRIL 27 – 28, 2015
Subay ning maong kalamboan, gidapit karon kadtong buot motrabaho alang sa gawas sa nasud sa pagbisita lang dinhi sa City Hall lobby sa nasangpit nga petsa sa natala sa unahan, alang sa dugang pangisusi ug pag-apply.

Share on: