Subling gipahibalo sa City Government of Dipolog sa pagpangulo ni Mayor Evelyn T. Uy nga ang Tzu Chi Foundation ang mo-anhi sa dakbayan karong Hunyo 12 ug 13 aron sa paghatag ug libreng operasyon ug misyon medical alang sa dunay mga balatian sama sa goiter, inguinal hernia, hydrocoel ug varicocoele.
Gidapit ang mga interesado sa pagpakigkita kang City Social Welfare and Development Officer Ms. Nenita O. Maningo (telepono numero (065)212-4566) alang sa pre-screening ug pagpalista.
Samtang ang mga residente sulod sa sa 2nd District ug 3rd District ning lalawigan sa Zamboanga del Norte ang mahimong moadto kang Mr. Gani Pacatang sa Lungsod sa Sindangan o tawag sa telepono (+63-977-121-4285).
Ang pre-screening hangtud lamang karong Miyerkules Hunyo 9 ug isunod dayon ang final screening sa tanang pasyente sa sunod adlaw Huwebes Hunyo 10 didto sa Corazon C. Aquino Hospital nga mahimutang sa Barangay Biasong ning siyudad.
Ang libreng operasyon ipahigayon sa grupo sa Tzu Chi Foundation Surgical ug Medical Mission inabagan sa City Government of Dipolog karong Hunyo 12 ug 13 sa nasangpit nga tambalanan. (CIO/ebp).

Share on: