May 8 – Sanglit nga bulan sa bakasyon ning bulan sa Mayo ug wala’y klase ang mga magtutungha, panahon na karon alang sa mga batang lalaki nga ipatuli sa gikatakdang tulomanon sa buhatan sa City Health alang sa pipila ka mga barangay ning dakbayan.
Usa ka ‘Operation Tuli’ ang gikatakdang ipahigayon alang sa pipila ka mga barangay, dinhi palibot sa dakbayan, partikular na didto sa barangay Olingan karong umaabot Mayo 11; Sta. Filomena karong umaabot Mayo 15; Dicayas Mayo 20, 2015.
Samtang sa barangay Sangkol aduna’y pinasahi nga serbisyo ang gitanyag, sama sa Medical, Dental ug Operation Tuli.
Gi-awhag ang tanang ginikanan nga duna’y mga anak nga lalaki nga angayan nang tuli-on alang sa pagsanong aron maka-angkon sa libre nga serbisyo pinaagi sa City Health Office, ning dakbayan. (CIO-MECC)

Share on: