Atol sa Joint Committee Hearing niadtong Hunyo 11, 2015, malamposong gipadas-og ni Konsehal Atty. Peter Y. Co ang usa ka resolusyon nga magahatag ni Mayor Evelyn T. Uy ug pagtugot aron makagahin ug 10 % gikan sa kinatibuk-ang pondo sa proyektong irigasyon diha sa barangay Diwan ning dakbayan sa Dipolog.
Ang 10 % sa kinatibuk-ang kantidad sa nasangpit nga proyekto ang nasayrang mokabat ngadto sa nga P1,958, 772.00 ka pesos.
Kahibalo-an nga ang proyektong “Construction of Irrigation Facilities of Diwan Small Irrigation Project (SIP) and Canalization sa barangay Diwan ang aduna’y pondo nga nagkantidad ug mikabat sa P6,813,120.00 ka pesos kansang tinubdan niini ang nagagikan sa Trust Fund-MOA uban sa National Irrigation Administration.
Samtang ang proyekto usab nga “Construction of Irrigation Facilities of Diwan Small Irrigation Project (SIP) sa Sitio Denoyan ug Diwan nga duna’y mikabat P12,774,600.00 ang kantidad kansang tinubdan nagaggikan gihapon sa Trust Fund-MOA with NIA, nga mikabat ngadto sa kinatibuk-ang pondo nga P19,587,720.00 ka pesos.
Sumala pa nga usa kini ka hinusang proyekto tali sa National Irrigation Administration (NIA) ug LGU Dipolog, diin gikalipay kini ug daku ilabi na sa mga katawhang mag-uuma sa humay sa pipila ka barangay dinhi sa dakbayan sa Dipolog. (CIO-MECC)

Share on: