Usa ka “HALF-MARATHON” (Open category–21 kms.)ang gikatakdang ipahigayon karong umaabot Hunyo 28, ning tuiga. Kining maong kalihokan ang tuyong ipahigayon isip usa sa mohatag ug bolok sa umaabot nga pagsaulog sa ika 102 nga kasumaran sa Adlaw sa Dipolog.
Sumala sa nasayran gikan kang Dipolog City Youth Sports Development Council Chairman, Atty.Chandler O. Ruiz, nga kining maong kalihokan ang magasugod sa alas 6:00 sa sayong buntag sa Hunyo 28, diin ang partisipantes niini ang gikatahong modagan sa gilay-on nga 21 kilometres.
Subay ning maong kalamboan, gidasig kadtong mga mahiligon sa dagan sa pagsalmot ning maong indigay, nga nagtangag ug mga premyo pinaagi na sa kagamhanang lokal sa Dipolog. Alang sa dugang kasayuran kalabot niini, ang mga interesadong mosalmot ang gi-awhagan lang sa pagbisita sa buhatan sa City Information, alang sa dugang mga detalye.(CIO-alb)

Share on: