P1330203

 

FIRST IRRIGATORS WEEK MALAMPUSONG GIBUKSAN

APRIL 26-Usa sa mga prayoridad sa Lokal nga Kagamhanan nga ubos sa administrasyon ni Mayor Darel Dexter T. Uy, mao ang ‘Food Security ug Agricultural Productivity’’, busa mipasalamat kini ngadto sa mga mag-uumang midapit kaniya atol sa pagbukas sa First Irrigators Week niadtong Abril 24 ug motapos kini sa Abril 29, 2017.

     Matud pa ni Mayor Uy nga ang Dipolog-Polanco Irrigators Association mao ang kapunungan sa mga mag-uuma sa humay nga nakapahimulos  ug supisyenteng supply sa tubig alang sa ilang mga basakan.

     Sumpay pa ni Mayor Uy nga ang mga mag-uuma  ug inubanan sa mga mangingisda, mga driver, mga vendors kon mamaligya-ay ug uban pa, ang gikinahanglang mahatagan ug dakung importansya sanglit nga sila usab ang nakatampo ug daku alang sa lokal nga ekonomiya. Labaw niini mao ang mga mag-uuma gumikan kay sila mao ang tinubdan sa pagkaon sa mga katawhan.

     Alang sa mga myembro sa DPIA, silang tanan ang gihagit alang sa dugang kakugi. Kung aduna’y mga bag-ong innovations, mas labing maayo nga mapahimuslan ang oportunidad.

     Lakip nga gi-awhag ni Mayor Uy ang mga myembro sa DPIA alang sa pag-adaptar sa organic farming, gumikan kay luwas kini ug makaayo sa lawas sa tawo.    

    Nagmapasalamaton usab si Mayor Uy ngadto sa suporta sa nagkalain-laing National Agencies  gumikan sa wala’y hunong nga paghatag ug tabang alang sa mga mag-uuma, sama sa buhatan sa NIA (National Irrigation Administration) ug uban pa.

     Nasayran gikan ni Dipolog City Agriculturist Engr. Jose Kerr N. Porlas nga ang DPIA gilangkuban ug pito (7) ka barangay ning dakbayan ug tulo (3) ka barangay usab sa lungsod sa Polanco.  

     Nasayran usab nga lakip nga gitambongan ang maong kalihukan ni konsehal Maynard R. Baes, ang Chairman sa Committee on Agriculture and Food ; si Mayor Evan Hope D. Olvis nga girepresentahan ni Marilyn Chiong Olvis- ang Municipal Administrator sa lungsod sa Polanco ; Dionisio C. Solotorio- IDS (Institutional Development Sector) nga nakabase dinhi sa dakbayan sa Dipolog; Konsehal Harold Vidal sa barangay Olingan; ug Edgardo L. Cohenas ang Presidente sa Dipolog-Polanco Irrigator’s Association.  (CIO-MECC)

Share on: