July 20  – Mikabat sa 3,300 ka mga indigent senior citizens sa Dipolog City nga nag edad  60 anyos pataas ang kasamtangang midawat sa ilang social pensions gikan sa Department of Social Welfare and Development pinaagi sa City Treasurer’s Office.

            Nasayran  gikan sa Office of the Senior Citizens Affairs (OSCA)   nga  ang paghatag sa social pension nagsugod kaniadtong adlawn’g Lunes didto sa City Treasurer’s Office sulod sa City Hall ning dakbayan  ug nagpadayon pa ang kalihokan  hangtud ning pagbalita.

Dugang nasayran nga ang social pension  gihatag matag 3 ka bulan sa kantidad nga Php1,500.00 o tag Php500.00 ang  bulan ngadto sa mga kwalipikadong mga edaran.

Ang ilang nadawat karong semanaha mao ang pension alang sa bulan sa Abril, Mayo ug Hunyo 2017.

         Ang mga kwalipikadong edaran mao kadtong mga senior citizens nga wala’y binulan nga pension gikan sa SSS o  GSIS ug  namatud-an nga walay suporta nga madawat gikan sa pamilya segun sa pagsusi sa mga tinugyanan sa CSWD.

            Matud pa sa pipila ka mga edaran nga dako ang ilang  kalipay ug pasalamat sa kagamhanan sa paghatag kanila ug pagtagad pinaagi sa nasangpit nga insentibo. (CIO/ebp).

Dipolog City's Senior Citizens received their monthly social pension @ the City Treasurer's Office July 20,2017.

Dipolog City’s Senior Citizens received their monthly social pension @ the City Treasurer’s Office July 20,2017.

Share on: