DSC_1205

        Gipahigayon ang usa ka seminar kabahin na sa Gun Safety and Responsible Ownership, nga gisalmutan sa mga Special Cafgu Active Auxilliary (SCAA) sulod sa Olingan Sports Complex sa  syudad sa Dipolog kaniadtong Hulyo 8 ning tuiga.

Tumong sa maong seminar mao ang pagtudlo sa mga  SCAA responsable nga paggamit ug pagdala sa mga armas, aron na usab sa pagkunhod sa mga insidente ning katilingban nga may kalabutan niini.

Dugang pa, gihisgutan usab ni Engr. Roland Soliva, Speaker sa maong seminar, ang angay nga pagparehistro ug ang pagkuha og lisensya sa usa ka pusil, aron kini mamahimong legal ubos sa balaod nga Republic Act 10591.

Sa laing bahin, gihisgutan usab niini ang posibilidad sa pagbayad og multa nga moabot sa P10,000.00 alang na sa mga molapas sa lagda sa pagdili sa pagdala sa armas gawas sa residential area nga walay bisan unsang legal nga otorisasyon.

Ang maong seminar gipasiugdahan sa kagamhanang lokal inubanan sa pagsuporta ni Mayor Darel Dexter T. Uy ug kini gisalmutan sa mga nakalain-laing opisyales gikan sa 21  ka barangay ning syudad. (CIO)

 

Share on: