Makita sa hulagway ang mga katawhan nga misalmot sa "KatKat Sakripisyo" diin kini midagkot sa kandila ug nag-ampo sa usa sa Station of the Cross didto sa 3,003 steps to Linabo Peak kaniadtong adlaw'ng Huwebes ug Biernes alayon sa Semana Santa.

Makita sa hulagway ang mga katawhan nga misalmot sa “KatKat Sakripisyo” diin kini midagkot sa kandila ug nag-ampo sa usa sa Station of the Cross didto sa 3,003 steps to Linabo Peak kaniadtong adlaw’ng Huwebes ug Biernes alayon sa Semana Santa.

DSC_0080

        Gibana-bana nga moabot ug libo-an an ka mga tawo ang misalmot sa gipahigayong  Katkat Sakripisyo karong tuiga atol sa Huwebes ug Biyernes Santo (Abril 13-14) didto sa 3,003 Steps to Linabo Peak.

       Kahibaloan nga kining maong tinuig nga kalihokan ang gipangunahan sa Simbahang Katoliko uban sa pagtambayayong sa kagamhanang lokal sa Dipolog diin sulod sa duha ka adlaw sa Semana Santa adunay mga kalihokan nga ipahigayon didto sa itaas ug usab sa hagdanan paingon sa Linabo Peak. Karong tuiga 2017, gibulokan ang maong kalihokan sa Film Showing anang adlaw sa Huwebes ug nianang adlaw’ng Biyernes, gipahigayon ang Station of the Cross paingon ngadto sa kinatas-ang bahin sa Linabo Peak.

      Sigun sa mga kawani sa City Tourism Office, kini pa ang pinakadaghang sumasalmutay nga katawhan nga ilang nakita. Hinoon, matud pa nga hinay-hinay nga misaka ang gidaghanon sa mga tawo nga miduyog sa Katkat Sakripisyo subay na sa mga katuigan.

       Dugang pa nga bisan sa mga ordinaryong mga adlaw, nagkadaghan na usab ang mga katawhan nga mosaka sa 3,000 Steps to Linabo Peak. Mao usab nga rason ngano nga ang dakbayan sa Dipolog karong bag-o ang mibubo ug pondo alang sa pag-ayum-ayum ug dugang nga development sa maong lugar.

     Usa usab nga hinungdan nga namatikdan mao nga aduna nay taas-taas nga kahibalo ug concern ang mga Dipolognon kabahin sa healthy lifestyle. Kining maong mga namatikdan bunga lang usab sa nahimong kusog nga kampanya sa dakbayan alang sa Sporty Dipolog nga alayon usab sa panglantaw nga ang siyudad sa Dipolog mamahimo unyang “Center of Outdoor Sports of the South by 2020.”

Share on: