Malamposon ug malinawong napahigayon ang paghandum sa ika 119 nga kasumaran sa “Adlaw sa Kagawasan” sa atong nasud niadtong nakalabay nga Hunyo 12, ning tuiga, dinha sa Plaza Magsaysay ning dakbayan.

Bisan pa man sa hulga sa pag-ulan, apan wala gayud matandog ang pagtambong sa misalmot nga mga katawhan gikan sa nagkalain-laing buhatan ug sektor sa katilingban.

(Photo from left: ZN Governor Roberto Y. Uy, Dipolog City Mayor Darel Dexter T. Uy, ZN Vice Governor Senen O. Angeles and Dipolog City Vice Mayor Horacio B. Velasco) Local officials of the Province of Zamboanga del Norte and the City of Dipolog lead their constituents in the celebration of the 119th Philippine Independence Day held at Plaza Magsaysay, Dipolog City on June 12,2017.

(Photo from left) ZN Governor Roberto Y. Uy, Dipolog City Mayor Darel Dexter T. Uy, ZN Vice Governor Senen O. Angeles and Dipolog City Vice Mayor Horacio B. Velasco) Local officials of the Province of Zamboanga del Norte and the City of Dipolog lead their constituents in the celebration of the 119th Philippine Independence Day held at Plaza Magsaysay, Dipolog City on June 12,2017.

Atol sa pagpabati ni City Mayor Darel Dexter T. Uy sa iyang Opening Message, kini ang misaysay nga ang atong paghandum sa atong adlaw sa kagawasan dinhi sa atong dakbayan, maoy pinaka- mahinungdanon alang kanatong tanan. Sumala pa, nga samtang kita mi-pakayab sa atong nasudnong bandila, atong mga maisogong kaigsoonang sundalo ug kapolisan ang padayon usab nga nakig-away aron ma-panalipdan ang atong kagawasan ug katawhan didto sa dakbayan sa Marawi gikan sa mga terorista.

Dugang pa niini, nga sanglit dili man nato mahimo ang pagpakig-away sa atong kaugalingon, apan daghan pa kita ug mahimo alang sa pagtabang ug pag-suporta.

Nunot ning maong mga panghitabo, hugtanong naga-awhag si Mayor Uy ngadto sa atong mga kaigsoonan nga atong likayan ang pagsangyaw sa mga peke o walay klaro nga mga balita kay makamugna lamang kini ug mga pag-panic ug kahadlok sa atong mga kaigsoonan.

Isip panapos, hugtanon hinoon kining nanawagan sa tanang mga katawhan alang sa pagbarug ug pagsalmot dinha sa atong pagpakigbatok sa terorismo ug kasamok.

Dugang pa niini, nga kining maong pagpakigbisog maoy alang sa atong kagawasan ug demokrasya, busa atong paga-himoon kining tipik sa atong pagka-Pilipino ang pagpakigbisog nga maoy modala kanato ngadto sa “KABULAHANAN, KALINAW UG GUGMA.”(CIO-alb)

 

Share on: