no-smoking-slogans-anti-smoking-slogans-anti-smoking-slogans-FHPPsg-clipart - Copy

April 12Hugtanon karong gipahibalo sa Philippine Ports Authority (PPA), Port Management Office dinhi sa lalawigan pinaagi ni Port Manager, Engr. Salvador L. Delina, nga kining nasangpit nga buhatan ang gi-deklarar karon isip “Cigarette-Smoke Free Port”.

Kining nahisgotang inpormasyon ang nasayran sa City Information Office ning dakbayan pinaagi sa sulat gikan sa nasangpit nga buhatan nga nadawat usab sa buhatan ni City Mayor Darel Dexter T. Uy niadtong nakalabay nga Abril 11, ning tuiga.

Sumala pa ni Engr. Delina nga kining maong kalamboan ang ilang gipatuman pinasikad sa PPA Administrative Order no. 07-2015 diin nagamando sa tanang mga Port Management Offices (PMO’s) ug Terminal Management Offices (TMO’s) ilawom sa Philippine Ports Authority (PPA) nga masiguro ang epektibong pagpatuman ug pagsanong ngadto sa “Safety, Health and Environmental Regulations” nga gilagda alang sa tanang mga pantalan dinhi sa nasud.

Partikular nga gilantaw ning maong kamandu-an mao ang seksiyon 4 sa nahisgotang orden administratibo diin hugtanong nagadili ngadto kang bisan kinsa sa pagpanigarilyo o pagdagkot sa sigarilyo o mga lampara dinha sulod sa mga pantalan, basi sa aritkulo 10, book 1 (Safety and Health in Ports) of the PPA Orange Book nga naga-ingon:”Smoking shall be prohibited in all places within the port, nor shall any person carry or ignite naked flame in any part of the port”.

            Gumikan ning maong kalamboan, hugtanong usab karong mopatuman ang probinsiyal nga buhatan sa PPA dinhi sa lalawigan pinaagi sa  pagdili kang bisan kinsa sa pagpanigarilyo o pagdagkot sa mga lampara (open flame) o paggamit sa susamang mga gadget partikular sa E-cigarette/Vape) dinha sulod sa nataran sa  pantalan), ilabi na gayud dinha sa Pulawan Wharf.(CIO-alb)

Share on: