Dipolog City Mayor Darel Dexter T. Uy (5th from left ) and Philippine Information Agency 9 Regional Director Noemi Edgae (4th from left) and other officials during the launching of PIA's ASEAN Info Kiosk @ Lee Plaza, Dipolog City on May 8,2017.

Dipolog City Mayor Darel Dexter T. Uy (5th from left ) and Philippine Information Agency 9 Regional Director Noemi Edaga  (4th from left) and other officials during the launching of PIA’s ASEAN Info Kiosk @ Lee Plaza, Dipolog City on May 8,2017.

 

   Malampusong gipahigayon ang PIA-ASEAN Roadshow Zamboanga Peninsula nga nagdala sa temang, “Celebrating ASEAN 50: Partnering for Change, Engaging the World”, niadtong Mayo 10, 2017 didto sa Zamboanga del Norte Convention and Sports Center ning dakbayan sa Dipolog.

     Kahibaloan nga karong tuiga, mosaulog sa ika- 50 ka tuig nga kasumaran ang  ASEAN (Association of Southeast Asian Nations) gikan sa pagkahimugso niini niadtong Agosto 8, 1967.

     Atol sa maong kalihukan si Mayor Darel Dexter T. Uy ang mi-abiabi sa tanang misalmot ilabi na sa  PIA (Philippine Information Agency) dinhi sa Region IX nga mao ang nagpasi-ugda sa maong kalihukan.

     Si Regional Director PIA-IX, Dir. Noemi B. Edaga, ang unang namulong kabahin sa ‘ASEAN: Partnering for Change, Engaging the World An Overview and Essential Must-Know Information’.

     Si Lt. Col. Emmanuel R. Garcia (INF) Philippine Army, Group Commander, 4th CRG, WESMINCOM, ang mipasabot kabahin sa, ‘Promoting Peace and Stability to Encourage a Climate of ASEAN Optimism in the Region’.

     Si Chief PCR PNCO RPSB9, SPO4 Ricky de Peralta Cabatic ang misaysay kabahin sa epekto sa ginadiling droga sa lawas sa tawo ilabi na sa mga kabataang kulang sa pag-amuma sa ilang ginikanan.

     Si EOD (Explosive Ordnance Device) Technician RPSB 9, PO2 Joel Albufera, ang mipatin-aw kabahin sa nagkalain-laing eksplosibo nga lagmit mao’y gamiton sa mga insurektos.

     Si Social Welfare Officer II, DSWD 9, Ms. Eva Avila nga nakabase dinhi sa dakbayan sa Dipolog, ang mihatag sa pagtulon-an kabahin sa ‘The ASEAN for the Vulnerable’, diin tagsa-tagsang gisaysay nga ang sagad daling madutlan sa mga dautang panghitabo sa mga komunidad mao ang mga kabataan, ang mga buros, ang mga PWD (person with disability), ug ang mga edaran.

     Si DTI (Department of Trade and Industry) Provincial Director, Ms. Maridel Dengal, ang mipatin-aw may kalabot sa ‘Rich and Economically-Driven Communities: The Role of MSMEs in the ASEAN’.

     Ang gihisgutang mga pagtulon-an usa ka pamaagi aron masayran sa tanan kabahin sa katuyoan sa ASEAN.  (CIO-MECC)

Share on: