Subay sa DILG Memorandum Circular No. 2014-101, gikatakdang mopahigayon ang Philippine Councilors League sa ‘Continuing Local Legislation Education Program’ (CLLEP) karong umaabot Marso 4-6, 2015 didto sa CamSur Watersports Complex, Pili, Camarines Sur.
Kahibaloan nga nagdala kini sa temang, “Good Housekeeping, a challenge to delivering good performance towards a strong and more responsive Local Government”.
Gituhoan sa maong kapunungan nga makatabang kini nga mamahimong epektibo ug episyente ang lokal nga lehislasyon. Makasuporta ug makapa-uswag usab kini ngadto sa Local Government Performance diha sa natad sa Good Financial Housekeeping, Disaster Risk Reduction and Management, Social Protection, Business Competitiveness, Peace and Order /Public Safety, and Environmental Management. Usa sa mga komplimento usab sa maong meeting mao ang ‘site-visit’ ug mag-ambitay usab kabahin sa mga ‘Good Practices’ kabahin sa innovative LGU nga mga programa ug lehislasyon.
Lakip nga nasayran nga diha sa hangyo nila ni PCL-National Chairperson, konsehal Alma Moreno; PCL-National President, Maybelyn DC Fernandez; National Secretary General, konsehal Benito J. Brizuela; City and Municipal Mayors, ang gi-awhag nga matugotan ang matag Sanggunian alang sa pagsalmot sa maong kalihukan sa opisyal nga byahe. (CIO-MECC)

Share on: