Nahimong mabulokon ug malampuson ang gipahigayon nga lumba sa dragon boat ug kayak kaniadtong Sabado sa hapon Mayo 2 sa kadagatan atubang sa boulevard ning dakbayan sa Dipolog.
Ang lumba ang gipasiugdahan sa kagamhanang lokal sa Dipolog gipangulohan ni Mayor Evelyn T. Uy ug sa Philippine Canoe and Kayak Federation (PCKF) gipangunahan sa ilang president Joanne Go.
Nasayran gikan kang Phillip Veloro nga ang mga partisipantes ang gilangkuban sa napulo(10) ka mga grupo gikan sa mga dakbayan sa Dumaguete, Iloilo, Iligan, Manila ug Dipolog.
Human sa makalingaw nga talan-awon sa bahug bahug sa bugsay, gisunod dayon ang pagtunol sa mga ganting salapi, tropeo, medalya ug sertipiko ngadto sa mga mananaug. Ang mga premyo ang personal nga gitunol nila ni Dipolog City Youth Sports Development Council Chairman Atty. Chandler O. Ruiz ug PCKF President Joanne Go.
Ang mga mananaug mao ang mosunod:

Kategorya TRIYAK-
Champion: Philippine Marines
1st runner-up –Dipolog Paddlers A
2nd runner-up – John B. Lacson A – Iloilo City
Kategorya Men’s 10 Crew-
Champion : Philippine Marines
1st runner-up – BAKUNAWA- Iligan City
2nd runner-up – Dipolog Paddlers
Kategorya Men’s 20 Crew
Champion : Philippine Marines
1st runner-up –John B. Lacson
2nd runner-up – Dipolog Paddlers
Kategorya Mixed 20 Crew
Champion : Philippine Marines
1st runner-up –John B. Lacson
2nd runner-up – Dipolog Paddlers
Sa adlaw’ng Domingo, gipahigayon usab ang clinic kabahin sa kayak ug dragon boat ngadto sa tanan nga mga interesadong kabataan. Si Eleonor Escollante, ang kasamtangang technical director sa PCKF ang nakadayeg sa partisipasyon sa mga taga-Dipolog pinaagi sa pagsalmot sa dragon boat ug kayak race ug ang katawhang Dipolognon sa ilang maiinitong pagdawat kanila dinhi sa dakbayan. (CIO/ebp).

Share on: