Usa ka Orientation on Pre-Membership Education on Cooperatives ang gikatakdang ipahigayon karong umaabot Abril 16-17, 2015 didto sa barangay Biasong Covered Court ning dakbayan sa Dipolog ilawom sa pagpasiugda sa Dipolog City Government Employees Multi-Purpose Cooperative (DCGEMCO).
Sigun sa nasayran nga ang maong panagtigom ang tuyong ipahigayon alang sa pag-orient sa mga partisipantes kabahin sa matuod nga kopseto sa kooperatiba sa tuyong kahatagan sa igong kahibalo ang mga katawhan ona sila mamahimong mga miyembro. Tuyo usab niini nga masabtan pag-ayo ug kahatagan sila sa katin-awan kalabot na sa mga probisyones sa Cooperative Laws, Cooperative Principles and Practices.
Ang mga topiko nga hilisgotanan atol unya ning maong kalihokan mao ang mga mosunod: Filipino Cooperative Values; Definition and Practices of the Cooperative; Philosophy and Principles of Cooperative; Success and Failure of Cooperative; Cooperative Financial Structure; Articles of Cooperation; Cooperative By-Laws; Cooperative Parliamentary Procedure; Organizational Meetings.
Nasayran nga sa gihisgutang gikatakdang kalihukan, si Biasong Punong Barangay Gomercindo Calagui mao ang mohatag sa Welcome Addres, samtang ang Inspirational Message ang ihatag usab sa inahan ning dakbayan, Mayor Evelyn T. Uy. (CIO-MECC)

Share on: