Usa ka bansay-bansay ang napahigayon niadtong Pebrero 19-20, 2015 may kalabot na sa ‘Research and Enterpreneurship’ nga gipasi-ugdahan sa Philippine Phycological Society, Inc. ug Dipolog School Of Fisheries sa barangay Olingan. alang sa ‘Programs Accreditation of Tertiary Level Institution sa nasud.
Atol sa pagbukas sa maong kalihukan, mihatag sa mensahe si Ms. Rosemarie P. Miranda nga nagrepresentar ni Mayor Evelyn T. Uy. Nasayran nga gikalipay ug daku ni Mayor Uy ang maong bansay-bansay gumikan kay makaangkon na man ug skill o kahanas kabahin sa research ang mga propesor o mga magtutudlo dinhi sa dakbayan sa Dipolog.
Gisalmutan ang nasangpit nga kalihukan sa nagkalain-laing tulunghaan sama sa, Jose Rizal Memorial State University, Saint Vincent’s College, Andres Bonifacio College, Dipolog School Of Fisheries, ug Dipolog Medical Center College Foundation, Inc.
Ang mga topiko nga gitun-an mao ang : (1) Refereed Research Journal Preparation as Way of Program Accreditation and Research, Enterpreneurship, and Book Writing nga gibatbat ni Dr. Laurentina Paler-Calmorin, usa ka Iloilo Retired College Professor ug Book Author; (2) Requirements to Become NRCP Member and Its Benefits, and Preparation of NRCP Research Project Proposal for Funding and Requirement nga gibatbat ni Dr. Paciente A. Cordero, Jr., retired NRCP Executive Director III; (3) Philippine Phycological Society, Inc., A Scientific Organization for Marine and Freshwater Algologists nga gipasabut ni Dr. Susana F. Baldia, PPSI President; ug Spiritual Services Strongest Weapon to Conduct Research nga gibatbat ni Rev. Father Nathaniele A. Denlaoso sa Diocese sa Dipolog.
Kahibaloan nga ang sistema sa edukasyon sa Pilipinas ang nagkinahanglan ug mga program accreditation sa tanang institusyon sa edukasyon sama sa SUCs (State Universities and Colleges) pribado man o pangpubliko, gumikan kay nasuta nga huyang ang dugtong nila diha sa AACCUP (Accrediting Agency of Chartered Colleges and Universities), PAASCU (Philippine Accrediting Association of Schools, Colleges and Universities), ug ang TESDA Accrediting Agency, gumikan kay ang mga key officials ug mga propesor dili mga research-oriented bisan pa nga sila mga Masteral ug Doctorate’s Degree holders na. Nasayran usab nga kulang sila sa interes ug motivation aron makapahigayon ug mga research ug kalagamitan, diyutay ang ilang kasayuran kabahin sa DOST- National Research Council of the Philippines (NRCP) ug sa Philippine Phycological Society, Inc. (PPSI) nga mao’y makahatag ug makagiya kanila kabahin diha sa basic ang applied researches.
Gilauman nga ang tanang misalmot mamahimong miyembro sa PPSI ug NRCP ug nga makaandam sa NRCP Research Project Proposal. Gilauman usab nga makigtambayayong sila tali sa PPSI, DOST-NRCP ug sa ubang ahensya sa gobyerno sa pagpahigayon ug mga research work. (CIO-MECC)

Share on: