Nahimong malampuson ang pagpahigayon sa Social Awareness Lecture alang sa mga Parolees, Probationers and Pardonees didto sa buhatan sa Parole and Probation Administration nga gipangulohan ni Chief Probation and Parole Officer, Edna Godoy niadtong Pebrero 18, 2015 sa 3rd Floor, Bulwagan ng Katarungan ning dakbayan sa Dipolog.
Kahibaloan nga gi-imbitar si City Civil Registrar, Ms. Rosemarie P. Miranda aron mao’y mohatag ug katin-awan kabahin sa pamaagi ug mga rekisitos may kalabot na sa pagparehistro sa pagkatawo, kamatayon, ug pagpa-usab sa Civil Status sa usa ka tawo.
Mapasalamaton si Ms. Godoy sa gihimong serbisyo sa buhatan sa City Civil Registrar ilawom sa administrasyon ni Mayor Evelyn T. Uy gumikan kay nahatagan ug katin-awan ang hingtungdan indibiduwal kabahin sa civil registration, nga maoy mahinungdanung dokumento alang sa pag-ila sa usa ka tawo. (CIO-MECC)

Share on: