Gikatakdang ipahigayon ang SPES Got Talent karong umaabot Mayo 26, 2015 alayon sa kasaulogan sa Labor Month 2015 diin ipasundayag ang talento sa mga magtutungha ubos sa SPES Program didto sa Dipolog Boulevard.
Kahibalo-an nga pagasugdan sa may alas 7:00 ang takna sa kagabi-on ang maong kalihukan diin ang mga magtutungha nga nagagikan sa nagkalain-laing tulunghaan ang mahatagan sa higayon nga ikapakita ang tagsa-tagsa nila ka mga talento, sama sa pagsayaw, pag-awit , drama ug uban pang mga talento nga angayang mapalambo sa usa ka batan-on.
Alayon sa maong kasaulogan, padayong naga-awhag ang buhatan sa DOLE nga ubos sa pagdumala ni Zamboanga del Norte Field Office Chief/ LEO, Ms. Lourdes B. Amores, ngadto sa tanang magtutungha nga ubos sa SPES Program alang sa pagpangandam sa ilang kaugalingon alang niining selebrasyon sa bulan sa pamuo dinhi sa dakbayan sa Dipolog. (CIO-MECC)

Share on: